Godhong

Article on other languages:

• Blaar
• Blatt_(Pflanze)
• ورقة_نباتية
• Laphi
• Yarpaq
• Лист
• Deil
• Fulla
• Foglia
• List
• Blad_(plantedel)
• Blatt_(Pflanze)
• Φύλλο_(βοτανική)
• Leaf
• Folio
• Hoja
• Leht
• برگ
• Lehti_(kasvitiede)
• Feuille
• Duilleag
• Folla
• עלה
• List
• Levél_(növény)
• Daun
• Folio
• Lauf
• Foglia
• ᐊᑭᕈᐊᕈᖅ/akiruaruq
• 葉
• 잎
• Folium
• Lapas
• Lapa
• Ravinkazo
• Лист_(ботаника)
• Daun
• Izhuatl
• Blad
• Blad
• Fielle
• Fuèlha
• Liść
• Folha_(botânica)
• Raphi
• Frunză
• Лист
• Fogghia
• List
• Leaf
• List_(botanika)
• List_(rastlina)
• Gjethi
• Лист
• Daun
• Blad
• இலை
• పత్రము
• Барг
• ใบไม้
• Yaprak
• Листок
• پتا
• Lá
• 葉子

	del.icio.us
	Digg
	Furl
	Reddit
	Rojo
	Add to OnlyWire

Godhong pakis

Godhong kuwi salah siji organ tetanduran sing tuwuh ing batang kang fungsi utamané nyerep energi cahya srengéngé kanggo fotosintesis. Umumé wernané ijo amarga ing kono ana jaringan sing paling akèh ngandhut klorofil. Godhong arupa organ tetanduran sing paling amba saéngga bisa nyerep energi cahya srengéngé saokèh-okèhé.

Godhong duwé peran penting ing prosès mrodhuksi bahan pangan tetanduran supaya bisa tetep urip lan tuwuh amarga tetanduran iku organisme autotrof obligat sing kudu masok kabutuhan energiné dhéwé liwat konvèrsi energi cahya dadi energi kimia.

Werna ijo godhong asalé saka kandhungan klorofil ing godhong. Klorofil iku senyawa pigmen sing duwé peran nyeléksi panjang gelombang cahya sing energiné dijupuk kanggo fotosintesis. Sabeneré godhong uga duwé pigmen liya, umpamané karoten (wernané jingga/kuning tuwa), xantofil (wernané kuning), lan antosianin (wernané abang, biru, utawa ungu, gumantung drajat keaseman). Godhong tuwa kélangan klorofil saéngga wernané malèh dadi kuning utawa abang (bisa dipirsani kanthi cetha ing godhong sing gugur).

Fungsi godhong

• Papan dumadiné fotosintesis.
• Minangka organ ambegan.

Ing godhong ana stomata sing fungsiné minangka organ respirasi (pirsani katerangan ing sangisoré Anatomi Godhong).

• Papan dumadiné transpirasi.
• Papan dumadiné gutasi.
• Alat tangkar-tumangkar sacara vègetatif.

Umpamané ing tetanduran soyor bèbèk (tunas godhong).

Morfologi godhong

Gambar manéka warna wangun godhong

Wangun godhong akèh banget ragamé, nanging biasané arupa lembaran, bisa tipis utawa kandel. Gambaran rong dhimènsi godhong digunaaké kanggo mbédaaké wangun-wangun godhong. Wangun dhasar godhong mbunder, kanthi variasi cuping ndriji utawa dadi elips lan ndawa. Wangun ekstremé bisa lancip dawa.

Godhong bisa uga malèh dadi eri (umpamané ing tetanduran kaktus), lan njalari godhong kélangan fungsiné minangka organ fotosintetik. Godhong tetanduran sukulen utawa xérofit uga bisa ngalami paralihan fungsi dadi organ panyimpen banyu.

Anatomi Godhong

• Epidermis, lapisan paling njaba godhong sing nutup bagéan nduwur lan ngisor godhong. Epidermis kapérang dadi epidermis ndhuwur lan epidermis ngisor. Fungsi epidermis yaiku ngreksa jaringan sangisoré. Kanggo nyegah dumadiné panguapan banyu sing kegedhén, epidermis godhong katutup déning lapisan kutikula.
• Jaringan palisade utawa jaringan tiang iku jaringan sing duwé fungsi minangka papan dumadiné fotosintesis
• Jaringan spons utawa jaringan kembang karang sing ana ronggané. Jaringan iki fungsiné minangka papan nyimpen cadhangan pangan.
• Berkas pembuluh angkut sing kapérang saka xilem utawa pembuluh kayu lan floem utawa pembuluh tapis. Xilem duwé fungsi ngangkut banyu lan garam-garaman sing diserep oyot saka njeron lemah nuju godhong (sing dipigunaaké minangka bahan fotosintesis). Éwadéné floem duwé fungsi ngangkut asil fotosintesis nuju sakabèhing awak tetanduran.

Gambar anatomi godhong

• Stoma (jamak: stomata) utawa tutuk godhong duwé fungsi minangka organ respirasi. Stoma njupuk CO₂ saka udhara kanggo didadèkaké bahan fotosintesis. Banjur stoma bakal ngetokaké O₂ minangka asil fotosintesis. Stoma kaya irungé awake dhéwé ing ngendi stoma njupuk CO₂ saka udhara lan ngetokaké O₂, éwadéné irung njupukO₂ lan ngetokaké CO₂. Ing tetanduran dharat sing posisi godhongé ndatar, stomata iku papané ing epidermis ngisor. Ing godhong sing posisiné tegak, biasané stomatané ana ing rong sisih godhong. Ing tetanduran sing godhongé ana ing nduwur banyu, stomatané ing sisih nduwur godhong. Saliyané liwat stoma, tetanduran tingkat dhuwur uga ambegan liwat lentisel sing ana ing batang.

Artikel prakawis biologi puniki setunggaling tulisan rintisan. Panjenengan saged mbiyantu Wikipedia ngembangaken.

Mangga mriksani Godhong ing Wikimedia Commons.